hit counter code

බබාට ඕන කෑම ගෙදරම වවමු ද?

Share on facebook
Facebook
Share on whatsapp
WhatsApp
Share on pinterest
Pinterest

දරුවාගෙ පෝෂණයට වුවමනා ආහාර කිසි වසක් විසක් නැතිව දෙන්න පුළුවන් නම් අම්මලාට ඒක කොච්චර සතුටක්ද? දරුවා සතුටින් කෑම කනවානම්, ආහාර සම්බන්ධ බෙදාහදාගැනීම් කෑම කන අතරෙදි ඉගෙනගන්නවානම් කොච්චර හොඳ ද? ඉතිං බබාලට කෑම කවන අම්මලා ඒ වෙනුවෙන් ගෙවත්ත සකසාගන්නෙ කොහොමද කියල අපි අද බලමු..

කුඩා කාලයේ ඉඳන්ම වයසට ගැලපෙන පරිදි ගන්නා සමබල ආහාර වේලක වැදගත්කම මිනිසාට අදාළ වෙනවා. පුංචි දරුවාගේ සමබර බත්පතෙහි ඇති පලා වර්ග, එළවළු සහ පලතුරු ගෙවත්තේ වගා කරලා ලබාගන්න පුළුවන්. එමගින් දරුවාට නිසි පෝෂණයට අවශ්‍ය පෝෂ්‍ය පදාර්ථ කිසිම විසකින් වසකින් තොර නැවුම්ම ඵලදාව විදියට ලැබෙනවා. වවන්නෝ දිනන්නෝ කියලා කියනවනෙ.

මෙහෙම පහසුවෙන් කුඩා ඉඩක පවා වගා කරගන්න පුළුවන් එළවළු පළතුරු වර්ග කීපයක් තියෙනවා. ගොටුකොළ, නිවිති, කංකුං, මුගුණුවැන්න,කතුරුමුරුංගා, ලුණුවිල,බණ්ඩක්කා, වට්ටක්කා, මෑකරල්, දඹළ, දෙළුම්, පේර, පැෂන් ෆෘට් ඉන් කිහිපයක්. ගෙවත්තෙම වගා කරගන්න නිසා රසායනික පොහොර භාවිතා කරන්නත් අවශ්‍ය නෑ. නැවුම් ව නෙළාගෙන උයන්න පුළුවන් නිසා පෝෂ්‍යගුණයෙනුත් ඉහළයි. ඒ වගේම පොඩි පොඩි ප්ලාස්ටික් කප්, භාවිතයට නොගන්නා මැටි භාජන සහ වළං, කුඩා පෝච්චි වල මේ පැල වගාකරගන්න පුළුවන්.

ඒ වගේම තමයි, ගෙවත්තේ කුරුලු ලෑල්ලක් සකස් කරගන්නා එක. කුරුළු ලෑල්ලක් හදලා විතරක් මදි. එයට එන කුරුල්ලන්ට ලේන්නුන්ට බීමට ජලය සහ කෑමට ආහාර වෙන කරන බව දරුවාට පෙනෙන්නට සලස්වන්න අවශ්‍යයි. බෙදාහදාගැනීම වැනි මාතෘකා මෙය ඔස්සෙ දරුවාට හොඳින් ගෝචර වනවා. කෑම කන්නට කම්මැලි දරුවන්ටත් කුරුලු ලෑල්ල පෙන්වමින් ආහාර කවන්නට පුළුවන්.

ඒ වගේම ගෙවත්ත පිරිසිදුව පිළිවෙළට තබාගන්න ඔබ උත්සුක විය යුතුයි. මදුරුවන් බෝවීමට ඉඩ ඇති ස්ථාන ඇති නොවන සේ පවත්වාගත යුතුයි. සර්පයන් වැනි සතුන් සැඟවී සිටීමට ඉඩ ඇති ස්ථාන විනාශ කළ යුතුයි. ඔබගේ ගෙවත්තට හිතකර සතුන්ට සහ කුරුල්ලන්ට පමණක් ඇරයුම් පත් දීමෙන් වැඩෙන දරුවාට නිදහසේ සැරිසැරීමට සුදුසු ගෙවත්තක්ද සකසාගැනීමට ඔබට පුළුවන්.

Share on facebook
Facebook
Share on whatsapp
WhatsApp
Share on pinterest
Pinterest

Latest Articles

ආයුර්වේදයට අනුව කාන්තාවන්ට දරු ඵල ප්‍රමාද වීම සදහා බලපාන ප්‍රධාන හේතු.

විවාහයෙන් අනතුරුව දරුවෙක් බලාපොරොත්තු වුණත් ඒ සිහිනය ප්‍රමාද වෙනවා නම් බොහෝ අය...

Read More

විශේෂ අවශ්‍යතා සහිත දරුවන් නිවැරදිව හඳුනා ගන්නේ කොහොමද ?

සමාජයේ “දරුවන්” වැදගත් ස්ථානයක් හිමිකර ගන්නා කොටසකි. සෑම දෙමව්පියෙකුම තම දරුවන් සමාජ...

Read More

මේ දිනවල වේගෙයන් පැතිර යන ඩෙංගුවලින් වැළකෙමු

ඩෙංගු උණ මාරාන්තික බව අප හැම කෙනෙක්ම දන්නා කාරණාවක්. වෙනත් රෝග සම්බන්ධයෙන්...

Read More

Related Posts

Infant

බෙරිබත බ්ලෙන්ඩර් කරොත් දරුවගෙ මානසික වර්ධනය අඩු වෙයි ද?

ඔබ කුඩා බිළිඳෙකුගේ මවක් නම් මේ මාතෘකාව කුමක් ගැනදැයි ඔබ දන්නවා.උපතේ සිට මාස හය දක්වා දරුවෙකුගේ පෝෂණ අවශ්‍යතාවය සැපිරීමට මව්කිරි පමණක් ප්‍රමාණවත්. නමුත් දරුවාට මාස

Read More »
Health

අලුත උපන් දියණියගේ ලිංගික අවයවයෙහි ඇතිවිය හැකි අසාමාන්‍යතා

අලුත උපන් දියණියගේ ලිංගික අවයවයෙහි ඇතිවිය හැකි අසාමාන්‍යතා කිහිපයක් හඳුනා ගත හැකිය. උපතින් පසු දියණියගේ ලිංගික ප්‍රදේශය ඉදිමී ඇත්නම් එය බොහෝ විට වැදෑමහ තරලය නිසා

Read More »
Infant

බබාට කෑම පටන් ගන්නට පෙර මවගේ සූදානම කෙසේ විය යුතු ද?

මාස හයක්ම මවුකිරි වලින් යැපුණ සිඟිති පැටියා අතිරේක ආහාර වලට සූදානම් වෙනවා කියන එක බබාට වගේම අම්මටත් හරිම සුවිශේෂී කාලපරාසයක්. සාමාන්‍යයෙන් මවුකිරෙන් පමණක් දරුවා පෝෂණය

Read More »
Breastfeeding

මාස හයට අඩු දරුවන්ට මවුකිරිවලට අමතරව වතුර දිය හැකිද?

අලුත උපන් දරුවාට මුල් මාස හය තුළ ‘මවුකිරි පමණක්ම’ දිය යුතු බව වෛද්‍ය නිර්දේශයයි. මවුකිරිවලට අමතරව කිසිදු දියර වර්ගයක්; අවම වශයෙන් ජලය වත් දරුවකුට නොදෙන

Read More »