සෙම් රෝග, හෙම්බිරිස්සාව, කැස්ස මේ දවස්වල හැමතැනම. ඔබේ දරුවා පෙර පාසල්/පාසල් යන වයසේ දරුවෙක් නම් නිතරම සෙම් රෝග හැදෙනවා ඇති.

සෙම තියෙන දරුවො නාවන්න හොඳයිද? නාවනවා නම් සීතල වතුරෙන් නෑව්වට කමක් නැද්ද?

අම්මලා හැම වෙලේම අහන ප්‍රශ්නයකට තමයි අද මම පිළිතුරු දෙන්න යන්නෙ. උණ නැතිව හෙම්බිරිස්සාව සහ නාසයෙන් සොටු දියර ගැලීම, නාසය සිරවීම වගේ ලක්ෂණ තියෙන දරුවෙක් උණු වතුරෙන් නෑවීම/ ඇඟ සේදීම කිසිම ගැටලුවක් නැහැ. ඒ මඟින් දරුවාගේ නාසයේ සිරවීම අඩුවෙනවා සහ හුස්ම ගැනීම පහසුවෙනවා. නමුත් නාවලා ඉවර වුනාට පස්සෙ දරුවගෙ කොණ්ඩය හොඳින් වේලන්න ඕනෙ. තෙත රැඳෙන්න දෙන්න එපා.

උණ හෝ කැස්ස තියෙන දරුවෙක් නම් නාවන්න යන්න එපා. වෛද්‍ය ප්‍රතිකාර අරගෙන දරුවාට තියෙන්නෙ Upper Respiratory Tract Infection එකක් කියලා තහවුරු කරගත්තට පස්සෙ දරුවාව නාවන්න පුලුවන්. මොකද දරුවට තියෙන්නෙ නිව්මෝනියා තත්වයක් නම්, නෑවීම නිසා එය උත්සන්න වෙන්න පුලුවන්. දරුවාට හුස්ම ගන්න අපහසු නම්, තද උණ හෝ කැස්ස තියෙනවා නම් දරුවාව නාවන්න එපා. ඒ වෙනුවට මඳ උණුසුම් වතුරෙන් පෙඟවූ රෙද්දකින් දරුවාව පිරිසිදු කරන්න. ඊට පස්සෙ වියලි තුවායකින් දරුවාව පිස දමන්න අමතක කරන්න එපා.

සටහන –
වෛද්‍ය S. එදිරිසිංහ(MBBS (Rajarata)
(SLMC registration No:43303)
පේරාදෙණිය ශික්ෂණ රෝහල