hit counter code

ඔබේ දරු සිහිනය ඉක්මනින් සැබෑකරන සරු දවස් ගැන හරියට දැන ගන්න

Share on facebook
Facebook
Share on whatsapp
WhatsApp
Share on pinterest
Pinterest

දරුවන් බලාපොරොත්තුවෙන් ඉන්න බොහෝ කාන්තාවන් නඟන මැසිවිල්ලක් තමයි කොච්චර උත්සාහ කළත් පිළිසිඳ ගැනීමක් සිදුනොවන බව. සිදුහත් කුමාරයත් මහාමායා දේවි කුස පිළිසිඳ ගත්තේ පස්මහ බැලුම් බලලා, ජේසු බිළින්දා මරිය මවුතුමියගේ කුසට ආවෙත් එහෙමයි. ඒ වගේ දරු පැටියෙක් කුසට එන්න නම් ඒ සඳහා සම්පූර්ණ කරන්න ඕන කාරණා කීපයක් තියෙනවා.

ඒ තමයි සරු කාලය තුළ සිදුවන සංසර්ගයකින් ඩිම්බයක් සහ ශුක්‍රාණුවක් එකතු වෙලා මවගේ ගර්භය තුළ කළලයක් විකසනය වෙන්න ඕන. ඉතිං මේ සරු කාලය කියන්නෙ මොකක්ද කියලා අපි බලමු.

මොකක්ද මේ සරු කාලය, එහෙමත් නැත්නම් fertile window කියලා කියන්නේ?

සරු කාලය කියලා කියන්නේ නීරෝගි කාන්තාවකගේ ඔසප් චක්‍රය තුළ ගැබ් ගැනීමේ හැකියාව සහිත කාල පරාසයට. ඒ කියන්නේ ඔබට ගැබ් ගැනීමේ හැකියාව පවතින්නේ මේ සරු කාලය තුළදීයි. ඉතිං මේ දවස් කිහිපය තුළ ලිංගික එක්වීමක් සිදුවුණොත් ගැබ් ගැනීමේ හැකියාව ඉතා ඉහළයි.

මේ සරු කාලය කාන්තාවකගෙන් කාන්තාවකට වෙනස් වෙනවා. ඒ වගේම ඔසප් චක්‍රයේ දිග අනුවත් වෙනස් වෙනවා.

සරු කාලය පටන් ගන්නේ ඩිම්බකෝෂයකින් ඩිම්බයක් නිකුත් වුණ දිනයේ ඉඳන් දින පහක් ඊට කලින්.

ඩිම්භ මෝචනය, ඒ කියන්නේ ovulation එක සිදුවෙන්නෙ පරිණත ඩිම්බයක් ඩිම්බ කෝෂයෙන් පිටවුණාම. මේ ඩිම්භය ඉන්පස්සෙ පැලෝපීය නාලය හරහා ගමන් කරනවා. ගැබ් ගැනීමට නම්, පැලෝපීය නාලය තුළදී ඩිම්බය ශුක්‍රාණුවක් එක්ක සංසේචනය වෙන්නට ඕන. ඉන්පස්සෙ තමයි මේ සංසේචිත ඩිම්බය ගර්භාෂයේ තැන්පත් වෙලා කළලයක් බවට විකසනය වෙන්නේ.

මේ ovulation එකට කලින් සාමාන්‍යයෙන් යෝනි ස්‍රාවයන් ටිකක් බිත්තර සුදු මද වගේ. හරිම පැහැදිලි , ලෙස්සන සුළු තරමක් උකු ගතියෙන් යුතුයි. ඩිම්භය ඩිම්භකෝෂයෙන් නිකුත් වුණා කියන සංඥාව තමයි මේ කියන්නේ. මේ දවසේ ලිංගිකව එක්වුණාම ශුක්‍රාණු වලට ඩිම්භය ළඟට යන්න පහසු වෙනවා.

සාර්ථක ගැබ් ගැනීමක් සිද්ධවෙන්නෙ ඩිම්බයක් නිකුත් වෙන්න දින පහක ඉඳන් ඩිම්බය නිකුත් වෙන දවස අතර කාලපරාසය තුළ ලිංගික එක්වීමක් සිදුවුණොත් විතරයි. ඒ වුණත් සරු කාලය වැඩිම කාලය වෙන්නේ ඩිම්බය නිකුත් වෙන්න දවස් තුනක් කලින් ඉඳලා දවස් හතරක්.

ඩිම්බ මෝචනය සිදුවෙලා පැය 12-24කින් පස්සේ එම ඔසප් චක්‍රය තුළ ගැබ් ගැනීමෙ හැකියාවක් නෑ. මොකද ඒ වෙද්දි ඩිම්බය පැලෝපීය නාලය තුළ නැති නිසා.

එමනිසා මේ කාලවකවානුවෙන් බැහැරව ඔබට ගැබ් ගන්නට බැහැ.

නමුත් ඔබ දරුවෙක් බලාපොරොත්තු නොවෙන අතරේ සරු කාලය මඟ හරිමින් සහකරුවා සමඟ ලිංගිකව එක්වනවා නම් මේ ක්‍රමය උපත්පාලන ක්‍රමයක් සේ අනුගමනය කරන්න එපා! නිශ්චිත උපත්පාලන ක්‍රමයක් අනුගමනය කරන්න.

ඩිම්බ මෝචනය වෙන දවස් හරියටම දැනගන්නේ කොහොමද?

ඩිම්බ මෝචනය වෙන දවස් හරියටම දැනගත්තොත් අපිට සරුකාලය තියෙන්නෙ කවදද කියලා හොයාගන්න පුළුවන්. තමන්ගේ ඔසප් චක්‍රය සිදුවෙන ආකාරය දිනපොතක හෝ කැලැන්ඩරයක සටහන් කිරීම එක ක්‍රමයක්. නවීන තාක්ෂණය එක්ක මුහුවෙලා Period tracking app එකක් ස්මාර්ට් ෆෝන් එකට ඩවුන්ලෝඩ් කරලා ලේසියෙන් මේ සරු කාලය හොයාගන්නත් පුළුවන්.

මෙහෙමයි සරුකාලය හොයාගන්නේ ….

ඔසප් චක්‍රය පටන් ගත්ත දිනය , ඒ කියන්නේ ඔසප් චක්‍රයේ රුධිරය වහනය වෙන්න පටන් ගත්ත දවස සටහන් කරගන්න . මේක අපි ගමු Day 01 කියලා. ( Eg : ජනවාරි 02 )

ඊළඟ ඔසප් චක්‍රය පටන් ගන්න දවසට කලින් දවස සොයාගන්න. මේ තමයි ඔබේ ඔසප් චක්‍රයේ අවසාන දවස. ( Eg : පෙබරවාරි 04 , ඒ කියන්නෙ පෙබරවාරි මාසයේ ඔසප් වීම පටන් ගෙන තියෙන්නෙ පෙබරවාරි 05 )

මේ day 01 ඉඳන් අවසාන දවස වෙනකම් තමයි ඔබේ ඔසප් චක්‍රයේ දිග වෙන්නේ (පෙබරවාරි 04-ජනවාරි 02 ) සාමාන්‍යයෙන් මේ කාලය දින 21-35 අතර වෙනස් වෙනවා. මෙය කාන්තාවගෙන් කාන්තාවට වගේම ඔසප් චක්‍රයෙන් චක්‍රයටත් වෙනස් වෙන්න පුළුවන්.

ඩිම්බ මෝචනය සිදුවෙන්නේ ඔසප් වීමට දින 14කට පෙරයි.

ක්‍රමවත් ඔසප් චක්‍රයක් හිමි ඔබේ සරු දවස් මෙසේ ගණනය කළ හැකියි.

ඔසප් චක්‍රයේ දින 28යි නම්, ඔසප් චක්‍රයේ 14 වන දිනයේදි ඔබේ ඩිම්බ මෝචනය සිදුවෙනවා. එනම් ඔබේ හොඳම සරුදවස් වෙන්නේ, ඔසප් චක්‍රය තුළ 11,12,13,14 දවස්.

දින 35ක ඔසප් චක්‍රයක් නම්, ඔබේ ඩිම්බ මෝචනය සිදුවෙන්නේ 21වන දිනයේදි. එනම් 18,19,20,21 දවස් සංසර්ගයට ඉතා යෝග්‍යයයි.

අක්‍රමවත් ඔසප් චක්‍රයක් හිමි ඔබට මාස තුනක මධ්‍යන්‍ය අගය අරගෙන ඔසප් චක්‍රයේ දිග ගැන අදහසක් ගන්නට පුළුවන්.
Eg : cycle 01 – දින 28
cycle 02 – දින 35
cycle 03 – දින 24
28+35+24 = 87
87/3 = 29
ඔසප් චක්‍රයේ දිග = දින 29
අක්‍රමවත් ඔසප් චක්‍රයක් ඇතිවිට මෙම ගණනය කිරීම්
වැරදීමේ සම්භාවිතාවය ඉහළයි.

ඉතිං මේ විදියට තමයි අපි සරු කාලය හොයාගන්නේ.

Share on facebook
Facebook
Share on whatsapp
WhatsApp
Share on pinterest
Pinterest

Latest Articles

ආයුර්වේදයට අනුව කාන්තාවන්ට දරු ඵල ප්‍රමාද වීම සදහා බලපාන ප්‍රධාන හේතු.

විවාහයෙන් අනතුරුව දරුවෙක් බලාපොරොත්තු වුණත් ඒ සිහිනය ප්‍රමාද වෙනවා නම් බොහෝ අය...

Read More

විශේෂ අවශ්‍යතා සහිත දරුවන් නිවැරදිව හඳුනා ගන්නේ කොහොමද ?

සමාජයේ “දරුවන්” වැදගත් ස්ථානයක් හිමිකර ගන්නා කොටසකි. සෑම දෙමව්පියෙකුම තම දරුවන් සමාජ...

Read More

මේ දිනවල වේගෙයන් පැතිර යන ඩෙංගුවලින් වැළකෙමු

ඩෙංගු උණ මාරාන්තික බව අප හැම කෙනෙක්ම දන්නා කාරණාවක්. වෙනත් රෝග සම්බන්ධයෙන්...

Read More

Related Posts

Intimacy

ආයුර්වේදයට අනුව කාන්තාවන්ට දරු ඵල ප්‍රමාද වීම සදහා බලපාන ප්‍රධාන හේතු.

විවාහයෙන් අනතුරුව දරුවෙක් බලාපොරොත්තු වුණත් ඒ සිහිනය ප්‍රමාද වෙනවා නම් බොහෝ අය විවිධ ප්‍රතිකාර වලට යොමු වෙනවා. ආයුර්වේද ප්‍රතිකාර වලටත් ඒ අතර ඉහළ තැනක් පවතින

Read More »
Pregnancy

ගර්භණී කාලය තුළ කෑමවලින් විතරක් කැල්සියම් ගන්න බැරි ද?

ගැබිණි සමය කියන්නේ හරිම විශේෂිත කාල පරිච්ඡේදයක්. ඒ කාලය පසු කරන ඕනෑම කෙනෙක් තමන්ගේ සෞඛ්‍යය ගැන සැළකිලිමත්. විශේෂයෙන් ම පෝෂණය ගැන. ඒ තමන්ට ත් වඩා

Read More »
Intimacy

දරුවෙක් ගැන සිහින දකින්නට පෙර ඔබ කළ යුතු ම දේවල්

විවාහයෙන් පස්සේ අරමුණු අතරට දරුවෙක් කියන සාධකයත් බොහෝ අයට තිබෙනවා. Unplanned pregnancy එකකට මුහුණ නොදෙන හැම යුවලම වගේ දරු උපතකට යන්නේ සැලසුමක් සහිතව.ඔබ මේ සැලසුම

Read More »