hit counter code

මව නිර්මාංශ (vegan/vegetarian) වීම කුසෙහි දරුවාට හානි කරද ?

Share on facebook
Facebook
Share on whatsapp
WhatsApp
Share on pinterest
Pinterest

ලොව පුරා සම්පූර්ණයෙන්ම නිර්මාංශ ආහාර රටාවක් අනුගමනය කරන පිරිස පෙරට වඩා වැඩි අගයක් ගන්නා බව සංඛ්‍යා ලේඛන මගින් පවා සනාථ වෙනවා. නිර්මාංශ (Vegan/Vegetarian) සංවිධාන බිහිවී ඒ ඔස්සේ විවිධ සැමරුම් උත්සව ආදියත් සංවිධානය වනවා. විවිධාකාර හේතු මත මිනිසුන් සත්ව ආහාර ප්‍රතික්ෂේප කරනවා. තනි පුද්ගලයෙකු වශයෙන් නිර්මාංශ වන අයකුට එයින් වන බලපෑම පිළිබඳව ප්‍රශ්නයක් නොමැති වුවත් මවක් වන්නට සූදානම් වන කාන්තාවක් එහි ඇති වාසි සහ අවාසි පිළිබඳව දැනුවත් වීම අනිවාර්යයෙන්ම කළ යුතු දෙයක්. කුස තුළ වැඩෙන නව ජීවයේ සෞඛ්‍යසම්පන්න භාවයට එයින් වන බලපෑම සුළුකොට තැකිය නොහැකියි.

ගර්භණීබව සහ විටමින් බී අවශ්‍යතාව

නිර්මාංශ (Vegan/Vegetarian) ආහාර වේලක විටමින් B12 සහ ඇතැම් අත්‍යවශ්‍ය මේද අම්ල වර්ග මෙන්ම අත්‍යවශ්‍ය ඇමයිනෝ අම්ල ද අඩංගු වන්නේ නැහැ. ඒවා ශරීරයට ලබා ගැනීමට නම් සත්ව ආහාර අනුභව කළ යුතුයි. විටමින් B12 මගින් රතු රුධිර සෛල සහ ඩී.එන්.ඒ නිපදවීමට ඉතා විශාල බලපෑමක් සිදුවන අතර ස්නායු පද්ධතිය කෙරෙහි ඇති කරන හිතකර බලපෑම ද ඉතා වැදගත්. ගර්භණී අවධියේදී කුස තුල සිටින දරුවාගේ ස්නායු පද්ධතිය මොළය සහ අනෙකුත් අවයව වර්ධනය වීමට විටමින් B12 සහ අත්‍යවශ්‍ය මේද අම්ල සහ ඇමයිනෝ අම්ල වර්ග අත්‍යවශ්‍ය වෙනවා. https://babynmom.lk/pregnancy/eat-healthy-during-pregnancy/ මෙම අත්‍යාවශ්‍ය පෝෂක සංඝටක ශරීරයට එකතු කර ගැනීම සඳහා නිර්මාංශ මව්වරුන්ට වෙනත් ආදේශක හෝ සපයා ගන්නට සිදු වීම නොසලකා හැරිය නොහැකි කාරණාවක්. සත්ව ආහාර වල තරමටම නොමැති වුවත් කොට්ටම්බා, නිවිති, බඩඉරිඟු, කොල්ලු වැනි ධාන්‍ය වර්ගවල විටමින් B12 අඩංගු වෙනවා. එවැනි ආහාර වැඩිපුර ගැනීමෙන් විටමින් B12 මගින් ශරිරයට ඉටු කෙරෙන කාර්‍යන් සපුරා ගත හැකියි.

නිර්මාංශ වන්නේ මස් මාලු වල දුර්ගන්ධය නිසා නම්….

ඇතැම්විට පුද්ගලයකු නිර්මාංශ වීමට හේතුව මස් මාලු වල දුර්ගන්ධය වැනි හේතුවක් මත ඇතිවන අප්‍රසන්නතාවය විය හැකියි. එවන් පුද්ගලයින් කිරි සහ බිත්තර වැනි ආහාර ප්‍රතික්ෂේප කරන්නේ නැහැ. නිර්මාංශ ගර්භනී මවක් කිරි වර්ග පානය කරනවා නම් ඇමයිනෝ අම්ල සහ අත්‍යවශ්‍ය මේද අම්ල ආදිය මුසු කරමින් සකස් කරන ලද කිරිපිටි වර්ග දැන් වෙළඳපොලෙහි තිබෙනවා. එසේ සැකසූ කිරි වර්ග පානය කිරීමෙන් දරුවාගේ වර්ධනයට අවශ්‍ය පෝෂක කොටස් ලබා ගැනීම ගැටළුවක් වන්නේ නැහැ. අප්‍රසන්න බව නිසා නිර්මාංශ නොවී, සත්ව හිංසනය පිටුදැකීම වැනි මානුෂික කාරණාවක් මත පදනම්ව හෝ ආගමික කාරණා වැනි හේතුවක් මත නිර්මාංශ වන අය කිරි බිත්තරවලින් පවා සම්පූර්ණයෙන්ම වැළකී සිටිනවා විය හැකියි. එවන් විටෙක දරුවෙක් ලැබෙන්නට සිටින මවකට මෙම අත්‍යාවශ්‍ය විට පෝෂක කොටස් ලබා ගැනීම තවදුරටත් ගැටලුවක් බවට පත් වෙනවා.

මව නිර්මාංශී වීම දරුවාට බලපෑ හැකි ආකාරය

විටමින් බී12, ඇමයිනෝ අම්ල වැනි අත්‍යවශ්‍ය පෝෂක කොටස් ශරීරයට නොලැබීම, දරුවකු කුස තුළ සිටින අවධියේ පමණක් නොව දරුවාගේ උපතින් පසු වර්ධන අවධියේදී ද විවිධ අහිතකර බලපෑම් එල්ල කරනවා. දරුවකුගේ ශරීර අවයව සහ සියලු පද්ධති ගොඩනැගෙන ගර්භණී අවධියේදී දරුවාගේ ස්නායු පද්ධතිය සහ මොළය නිසි පරිදි සංවර්ධනය නොවීමෙන් පසුකාලීනව ඇති කරන බලපෑම බරපතල විය හැකියි. දරු උපතෙන් පසු විවිධ වර්ධන අවදි පසු කිරීමේදී, එනම් පෙරලීම, වාඩිවීම, සිටගැනීම, ඇවිදීම, සිනාසීම ආදී සැතපුම් කණු පසුකරන විට ද බලපෑම් ඇති කරයි. වර්ධන අවධි පසුකිරීමට අදාල වයස් කාණ්ඩවල දී අදාළ වර්ධන අවස්ථාවට ළඟාවීමට නොහැකි වීම වැනි ගැටලුවලට දරුවන්ට මුහුණ දෙන්නට සිදුවිය හැකියි. නිර්මාංශ මවක් ගැබ් ගැනීමෙන් පසු නිවැරදිව මේ තත්ත්වය අවබෝධ කරගනිමින් අත්‍යවශ්‍ය විටමින් සහ අම්ල වර්ග සඳහා වන ආදේශක හෝ ශරීරයට එකතු කරගැනීමට වගකීමෙන් යුතුව කටයුතු කරන්නේ නම් කුස තුල සිටින දරුවාගේ වර්ධනයට කිසිදු ගැටලුවක් ඇති නොවේ.

මව සත්ව ආහාර ප්‍රතිකේෂ්ප කරන විට ඇති වාසි

විටමින් බී සහ විවිධ අම්ල වර්ග මෙන්ම යකඩ ද ගර්භණී සමයේදී අත්‍යාවශ්‍ය පෝෂක කොටසකි. මාංශමය ආහාරවල යකඩ බහුලව ඇති බැවින් මව නිර්මාංශ වනවානම් ශරීරයට හිග වන යකඩ ප්‍රමාණය ලබා ගැනීමට යකඩ අඩංගු කොළ වර්ග වැඩිපුර ආහාරයට ගත යුතුයි. එසේම ඔමේගා ත්‍රී, යකඩ, කැල්සියම් සහ විටමින් ඩී වැනි පෝෂක කොටස් පෙති හෝ කරල් වශයෙන් ද ලබාගන්නට පුළුවන්. නිර්මාංශ ආහාර වේලක් ගැනීමේ සුළු වාසි කිහිපයකුත් තිබෙනවා. ගර්භණී අවධියේ දී මවකට අධි රුධිර පීඩනය වැනි රෝග තත්ත්ව ඇති වීමේ ඉහළ අවදානමක් තිබෙනවා. නමුත් නිර්මාංශ මවකට එවන් තත්ත්වයක් ඇතිවීමට ඇති ඉඩකඩ පවතින්නේ ඉතා අවම මට්ටමක. එසේම ගර්භණී අවධියේ ඇතිවන දියවැඩියාවත් නිර්මාංශ මවකට ඇති නොවන තරම්.

කොඳු ඇට පෙළෙහි විවිධ ගැටලු සහ හිඩැස් සහිත දරු උපත් පිළිබඳව බොහෝ අවස්ථාවල අසන්නට ලැබෙනවා. දරුවකු කුස තුළ වර්ධනය වන අවධියේ දී ලැබෙන නයිට්‍රේට් ප්‍රමාණය අධික වීම දරුවාගේ කොඳු ඇට පේලියේ සිදුරු (හිඩැස්) ඇතිවීම කෙරෙහි බලපෑමක් ඇති කරනවා. නයිට්‍රේට් අධික වන්නේ සත්ව ප්‍රෝටීන්වල බලපෑමෙන්. සත්ව ප්‍රෝටීන් අඩංගු ආහාර අඩුවෙන් ගැනීමෙන් කොඳු ඇට පෙළෙහි යම් යම් සංකූලතා සහිත දරුවන් බිහි වීම අඩු වෙනවා. නිර්මාංශ වීමේ වාසි සහගත කොටසට මෙයත් එකතු කරන්නට පුළුවන්.

මේද අවශ්‍යතාව සම්පූර්ණ කරගන්නේ කොහොමද?

ශාක තෙල් වර්ග, සංතෘප්ත මේදය සහ අසංතෘප්ත මේදය ලෙසින් වර්ගීකරණය වෙනවා. මෙහිදී පොල් කිරිවල වැඩිපුර අඩංගු වන්නේ සංතෘප්ත මේදය. ඔලිව් තෙල් වැනි තෙල් වර්ගවල අසංතෘප්ත මේදය වැඩිපුර තිබෙනවා. ගර්භනී මවකට වඩාත් සුදුසු අසංතෘප්ත මේදයයි.නිර්මාංශ ගර්භනී මවකට ඌන වන පෝෂක කොටස් සම්පූර්ණ කර ගැනීම සඳහා මෙන්ම අසංතෘප්ත මේදය ලබා ගැනීමට ඔලිව් ඔයිල් වැනි දේවල් ආහාරයට ගැනීමත් වඩාත් සුදුසුයි.

නිර්මාංශ ආහාර ලබා ගන්නා ගර්භනී මව්වරුන්ට ලැබෙන දරුවන් අඩු බර දරුවන් වීමට ඇති ප්‍රවණතාවයත් සාපේක්ෂව ඉහළ අගයක් ගන්නවා. අවශ්‍ය කරන සියලු පෝෂක කොටස් ආදේශක හෝ ලෙස හෝ ලබා ගන්නවා නම් කුස තුළ වැඩෙන දරුවාට ගැටලු ඇති වන්නේ නැහැ. ගර්භනී මවක් නිර්මාංශ වීම ගැටලුවක් නොවන්නේ හොඳ දැනුවත් වීමක් සහිතව කුස තුළ වැඩෙන දරුවාට අවශ්‍ය සියළු පෝෂක කොටස් ලබා දෙන්නට තරම් මවට හැකියාවක් ලැබීම තුළින් පමණයි. නිර්මාංශ කාන්තාවක් ගැබ් දරන කාලසීමාව තුළ ආහාරයට ගත යුතු දේවල් පිළිබඳව හොඳින් විමසා බලා ඒ අනුව කටයුතු කරන්නේ නම් ශක්තිමත් නිරෝගී දරුවෙකුට උපත ලබා දෙන්නට නිර්මාංශ මවකටත් හැකියාව තිබෙනවා.

Share on facebook
Facebook
Share on whatsapp
WhatsApp
Share on pinterest
Pinterest

Latest Articles

විස්මිත ගුණ දෙන රත කල්කය

බිළිඳුන් වදකර පැණිරස ඇතිලිය ලේ වන් හිමේක බර වන්නේ.. සිඳුහට නගිමින් හරිබර...

Read More

දුර්ලභ රෝගයක් නිසා ප්‍රසූතියේදී දෙපා අහිමි වූ මව

ඔබ දරු ප්‍රසූතිය සඳහා රෝහලක සිටින විට ලබා ගන්නට යන මුළු අත්දැකීම...

Read More

ඔක්කොම විෂ අක්මාවේ නම් දරුවන්ට පීකුදු අහිතකර ද?

පීකුදු කන එක ගැන සමාජයේ විවිධ මත ඔබට අහන්න ලැබිලා ඇති. සමහර...

Read More

Related Posts

Pregnancy

ලංකාවේ රෝහල්වල භාවිතාවෙන ප්‍රසූත වේදනා අවම කරන ක්‍රම

දරුවෙක් හදනවා කියන්නෙ ලේසි දෙයක් නෙමෙයි. දරු ප්‍රසූතිය කියන්නෙත් වේදනාකාරී අවස්ථාවක්. ඒක අපි හැමෝම දන්න දෙයක්නෙ. නමුත් අද වෙනකොට වෛද්‍ය විද්‍යාවෙ දියුණුවත් එක්ක දරු ප්‍රසූතිය

Read More »
Pregnancy

කුසේදිම දරුවාගේ ජාන විකෘතිතා හඳුනාගන්න හැකි NIPT පරීක්ෂණය

NIPT පරීක්ෂණය (Non Invasive Prenatal Testing) දරුවෙක් කුසේ දරාගෙන ඉන්න අම්මෙක්ගෙ එකම බලාපොරොත්තුව තමයි ලස්සන නීරෝගී දරුවෙක් බිහිකරන එක. අපි කන බොන දේවල්වලින් පවා පරිස්සම්

Read More »
Intimacy

පොස්ටිනෝ ගත්තත් ප්‍රෙග්නන්ට් වෙනවද?

අනාරක්ෂිත ලිංගික එක්වීමකින් පස්සෙ ගැබ් ගැනීම වලක්වන්න පාවිච්චි කරන උපත් පාලන ක්‍රම ගැනයි අද අපි කතා කරන්න යන්නෙ. මේ ක්‍රම වඩාත්ම සුදුසු වෙන්නෙ ඔබ කිසිම

Read More »
Pregnancy

ගර්භනී සමයේ වමනයට ආයුර්වේද විසඳුම්

දරුවෙකු පිළිසිද ගත් විට කාන්තාවන්ට ඇතිවන උදෑසන අපහසුතා අතරින් ඔක්කාරය,වමනය ප්‍රධාන ස්ථානයක් ගන්නවා. අද අපි කතා කරන්නේ ආයුර්වේද වෛද්‍ය විද්‍යාවට අනුව ඔබ මුහුණ දෙන උදෑසන

Read More »