hit counter code

මිමී – පුංචි දළඹුවා

Share on facebook
Facebook
Share on whatsapp
WhatsApp
Share on pinterest
Pinterest

මීම් කියන්නෙ පුංචි දලඹු පැටියෙක්.එතරම් ලස්සන නැති එක්තරා මිටියාවතක එයා ජීවත්වුණා.මීමී එක්ක දලඹු යාළුවෝ ගොඩක් ඉපදුණා.ඒ හැමෝගෙම බලාපොරොත්තුව ඉක්මනින්ම ලස්සනම ලස්සන සමනලයෙක් වෙලා ඉගිලිලා යන්න.ඒත් මිමී……ඔව් මිමීට ඕනෙ නැහැ සමනළයෙක් වෙන්න.එයාට ඕන හැමදාම දලඹුවෙක් වෙලා ඉන්න.දලඹුවෙක් වෙලා මට කරන්න වැඩ ගොඩක් තියෙනවා.එයා නිතරම කිව්වා.

යාළුවන්ට මිමී ගැන හරිම පුදුමයි.මීට කලින් එහෙම දෙයක් එයාලා අහලා තිබුණේ නැහැ.එයාලා දන්න හැම දලඹුවම මග බලාගෙන හිටියේ සමනලයෙක් වෙන්න.ලස්සන පිහාටු දෙකක් අරන් ඉගිලෙන්න.ඉතින් යාළුවො,නෑයො හැමෝම මිමීට අවවාද කරන්න පටන් ගත්තා.සමහරු නම් හිතුවා මිමීට ලෙඩක් හැදිලා කියලත්.ඇයි ඉතින් මෙහෙම දෙයක් කවදාවත් වෙලා නැහැනෙ.

ඉතින් ඔන්න දලබුවො කෑම කාලා,ශක්තිමත්ව වැඩිලා,කෝශ හදන කාලෙත් ආවා.මිමී ඒ මුකුත්ම කලේ නැහැ.එයා අතු ඉති දිගේ බඩ ගාමින් විවිධ දේවල් බැලුවා.කෝශ හදන අයට උදව් කළා.කමින් බොමින් සතුටින් හිටියා.

ඔන්න ඉතින් මිමීගෙ යාළුවො ඔක්කොම කෝශ ඇතුලේ.එයාලා නැවත එලියට එන්නෙ සමනලයෙක් වෙලා.කෝශ ජීවිතේ කෙටි එකක් නෙවෙයි.තරමක් දිග එකක්.එයාලා කෝශ ඇතුලේ ඉන්න විට මිමී එයාගෙ ජීවිතේ ගත කරන්න ලස්සන පුංචි ගෙයක් හදා ගත්තා.හැම තැනම ඇවිදලා සිරි නැරඹුවා.එයාගෙ තරමෙ පොඩි පොඩි පණු යාලුවො,කෘමි යාළුවො ගොඩක් අඳුන ගත්තා.එයාලා එක්ක සෙල්ලම් කලා.ඒ අතරෙ තමන්ගෙ මිතුරන් ඉන්න කෝශ ලඟට ගිහින් එයාලා එක්ක කතා කරන්නත් මිමී අමතක කලේ නැහැ.එයාලට තනි කමක් දැනෙනවට එයා කැමති වුණේ නැහැ.ඒ විතරක් නෙවෙයි කෝශ සතුරන්ගෙන් ආරක්ෂා කරගන්නත් මහන්සි වුණා.අනෙක් යාළුවන්ගෙන් උදව් ගත්තා.මීට කලින් මෙහෙම දෙයක් කවදාවත් වෙලා තිබුණේ නැහැ.බොහෝ කෝශ කාගේ හරි කෑමක් වුණා.ඒත් මේ සැරේ මිමී ඒවා රැක ගන්න මහන්සි වුණා.එයාගෙ යාළුවො ඔක්කොම කෝශ වටා ආරක්ශක වලල්ලක් හැදුවා.

ටික කලක් ගතවුණා.ඔන්න කෝශ වලින් සමනල්ලු එළියට එන්න පටන් ගත්තා.මේ සැරේ කෝශ හැම එකකින්ම වගේ සමනල්ලු එලියට ආව නිසා පරිසරයම සමනලුන්ගෙන් පිරුණා.හරිම ලස්සනයි.පාට පාට,ලොකු පොඩි,දිග කොට හරිම ලස්සන සමනල්ලු හැම හැම තැනම.කිසිම කෙනෙක් මීට කලින් එහෙම ලස්සනක් දැකලා තිබුණේ නැහැ.

සමනල්ලු ආව සතුටට ලස්සන ලස්සන මල් හැම තැනම පිපුණා.සමනල්ලු ඒ මල් වලින් පැණි බිව්වා.මල් තව තව පිපුණා.මුලු පරිසරයම සුවඳින් පිරී ගියා.ගස්වල ගෙඩි හට ගත්තා.කාටවත් කෑම අහේනියක් ආවේ නැහැ.ඒ පරිසරයේ සිටින හැමෝගෙම සිත් සතුටින් පිරුනා.ඉතින් මීට පෙර නොවූ මේ අරුම පුදුම දේට හේතුව හොයන්න එයාලට ඕන වුණා.එහෙම වෙන්න හේතුව මිමී බව එයාල ඉක්මනින්ම තේරුම් ගත්තා.මිමී සමනල කෝශ රැකගත් නිසායි මෙහෙම වුණේ.හැමෝම කතාවුණා.

ඔන්න අද ලොකු උත්සවයක්.ඒ අවට ඉන්න හැමෝම උත්සවයට ආරාධනා ලැබුවා.මිමීටත් ආරාධනාවක් ලැබුණා.මිමී සුපුරුදු පරිදි එයාගෙ ගෙදර සතුටින්,අනෙක් අයට උදව් කරමින් ජීවත්වුණා.ඔන්න ඉතින් උත්සවය දවසේ මේ මුකුත්ම දන්නෙ නැති මිමීත් ලස්සනට පිළිවෙලට සැරසිලා උත්සවයට ආවා.

ඒ වන විටත් ලෝකයේ ලස්සන මිටියාවත එයාල ජීවත් වෙන මිටියාවත බව එයාලා තේරුම් අරන් තිබුණා විතරක් නෙවෙයි ලෝකෙ හැම පැත්තකින්ම මේ මිටියාවත බලන්න සංචාරකයො ආවා. “සමනළ මිටියාවත”එයාල මිටියාවත හැඳින්වීමට අලුත්ම නමකුත් දුන්නා.

සමනල මිටියාවතේ විශේෂ පුද්ගලයෙකුට උපහාර පුදන්න වේදිකාව සූදානම්.මිමී ගේ නම කියද්දී මිමී පුදුම වුණා.ඔව් ඒ විශේෂ පුද්ගලයා මිමී.මල් මාලා,තෑගි බෝග,අගය කිරීම් නිමක් නැහැ.ඒ විතරක් නෙවෙයි.සමනළ මිටියාවතේ නායකයා විදියටත් මිමීව තෝරගන්න හැමෝම කැමති වුණා.

ඔන්න ඉතින් සමනලයෙක් නොවී දලඹුවෙක් විදියට මිමී ගොඩක් කල් ජීවත්වුණා.සමනල මිටියාවත සමනලයින්ගෙන් පිරුණා.ලස්සන සුවඳ මල් වලින්,කෑම බීම වලින් කවදාවත් සමනල මිටියාවතට අඩුවක් වුණේ නැහැ.

චම්මි ඉරේෂා කරපුටුගල

Share on facebook
Facebook
Share on whatsapp
WhatsApp
Share on pinterest
Pinterest

Latest Articles

ආයුර්වේදයට අනුව කාන්තාවන්ට දරු ඵල ප්‍රමාද වීම සදහා බලපාන ප්‍රධාන හේතු.

විවාහයෙන් අනතුරුව දරුවෙක් බලාපොරොත්තු වුණත් ඒ සිහිනය ප්‍රමාද වෙනවා නම් බොහෝ අය...

Read More

විශේෂ අවශ්‍යතා සහිත දරුවන් නිවැරදිව හඳුනා ගන්නේ කොහොමද ?

සමාජයේ “දරුවන්” වැදගත් ස්ථානයක් හිමිකර ගන්නා කොටසකි. සෑම දෙමව්පියෙකුම තම දරුවන් සමාජ...

Read More

මේ දිනවල වේගෙයන් පැතිර යන ඩෙංගුවලින් වැළකෙමු

ඩෙංගු උණ මාරාන්තික බව අප හැම කෙනෙක්ම දන්නා කාරණාවක්. වෙනත් රෝග සම්බන්ධයෙන්...

Read More

Related Posts

Children

දරුවන්ට හිතුමතේට Vitamin C ලබා දීම හොඳ ද?

පවතින වසංගතයෙන් ආරක්ෂා කර ගන්න හුඟක් දෙමාපියන් තම දරුවන්ට වෛද්‍ය උපදෙස් නොමැතව vitamin C ලබා දීමට මේ වෙද්දී පෙළඹිලා ඉන්නවා.ඇත්තටම එය ඵලදායී දෙයක්ද? නැත්නම් අපේ

Read More »
Children

ඔටිසම් කලින් ම අඳුනගන්නේ කොහොමද?

“ඔටිසම්” (මනෝවික්ෂිප්ත බව) යනු දරුවන්ගේ ස්නායු සංවර්ධන ක්‍රියාවලිය (neuro Development) සම්බන්ධයෙන් ඇතිවන ගැටළු සහගත තත්ත්වයක්. “ඔටිසම්” තත්ත්වය විවිධ අදියර ලෙස (Autism Spectrum Disorder) පුළුල් පරාසයක

Read More »
Children

සාම්ප්‍රදායික ක්‍රමයෙන් ඔබ්බට ලාබ විදියට පෝෂණීය Rainbow Sandwiches

සාම්ප්‍රදායික rainbow sandwiches හදන්න ඇත්තට ම මේ දවස්වල ආර්ථිකව අපහසුයි. ඒත් දරුවන්ගේ කටයුතුවලදී අපිට එහෙම කියලා හිත හදාගන්න බෑ. ඒ නිසයි අපි ඔබට ඉතා ම

Read More »
Children

පුංචි දරුවන් නිතරම අඬන හේතු දැනගනිමු.

ඔබේ කුඩා දරුවා රාත්‍රියේදී කෑගසමින් හා නොසන්සුන් ලෙස අඬන්නේ නම්, සැලකිලිමත් වීම වැදගත්. ඔබේ දරුවා මෙම පීඩාකාරී මට්ටමට ළඟා වූ විටඔවුන්ව සනසාලීමට අපහසු විය හැකියි.

Read More »