hit counter code

ප්‍රෙග්නන්ට් නම් අන්නාසි කන්න හොඳ ද ?

Share on facebook
Facebook
Share on whatsapp
WhatsApp
Share on pinterest
Pinterest

නහයට දැනුනු සුවඳ දිගේ පාර හොයාගෙන ගිය මනුෂි දැක්කේ මහගෙදර වත්තේ වැට මායිමේ අන්නාසි ගොල්ලෙ ඉඳන් කහපාටට හිනාවෙන අන්නාසි ගෙඩියක්.

“හප්පේ ඒක දිලිසෙනව!”

මනුෂිගේ කටට කෙළත් ඉනුවා. එහාගෙදර ලොකු මල්ලි කැත්තක් අරන් ගස් වල අතු පාහිනව මනුෂි දැක්කා.
“මල්ලි !”

ආගිය විස්තර ටිකක් කතාබහ කරලා මල්ලිට කියලා අන්නාසි ගෙඩියත් කඩාගෙන මනුෂි ගිහිල්ල කාමරේට එබෙද්දි සහන් තාම නිදි. සතියෙම වැඩ කරලා මහන්සිය නිවාගන්නයි අම්මලා බලලා යන්න මහගෙදර ආව ගමනක් නෙහ්…

“නිවාඩු දවසනෙහ්.. නිදාගත්තු දෙන්….”

නැට්ටෙන් එල්ලගත්ත අන්නාසි ගෙඩිය අරන් මනුෂි කුස්සියට ගියේ නැන්දම්මා සරලාට හරි වැඩට උදව් වෙන ගුණවතීට හරි කියලා අන්නාසි රහ විඳින්න හිතාගෙන.

අන්නාසි කෑල්ලක් කපලා දෙන්න කියපු මනුෂිගෙ ඉල්ලීම ඇහුණ ගමන්ම ගුණවතී එකහෙළාම විරුද්ධ වුණා …

“මයේ අම්මෝ, කුසේ දරුපැටියෙක් ඉන්න කාලේ මේව අපත්ති කෑම පුංචි නෝනා … කන්න නම් එපා “

“ඒව ඉස්සර කාලෙ පරණ කතන්දරනේ අනෙහ්… පලතුරු කොහොමද අගුණ වෙන්නෙ මේ කාලෙට?”

“අනේ මට නම් බෑ පුංචි නෝනෙ , පුංචි නෝනට මොකක් හරි වුණොත් මට තමා විසුමක් නොවෙන්නෙ මේව දැන දැනත් කොළා කියලා!”

ගුණවතීගේ සද්දෙ නිසා සරලාත් කුස්සියට ආවා.

“ඔව් දුව, අන්නාසි වගේ සැරකෑම කන්න හොඳ නෑ මේ කාලේ. බඩ හෑල්ලු වෙනවා .. අන්නාසි හරි සැර උෂ්ණ කෑමක් නෙහ්.. පස්සේ මං දූට අන්නාසි අච්චාරුම හදලා දෙන්නම්කෝ “

වචනෙන් මුකුත් නොකීවත් මනුෂිට දැන් අන්නාසි කන්නම ඕන වගේ දැනුණා. මනුෂි ආසම කෑමක් තමයි ලුණුයි මිරිස් කුඩුයි තවරපු අන්නාසි. ඒත් ඉතිං බඩේ ඉන්න පැංචට තාම මාස දෙකයි. මනුෂි අමාරුවෙන් හිත හදාගන්න අතරේ තමයි නයිට් ශිෆ්ට් ඉවර කරලා ගෙදර ආව සහන්ගේ නංගි , පවනි නා කියාගෙන සබේට ආවේ..

“ඇයි මේ අක්කි මූණ එල්ලගෙන?”

“අක්කිට අන්නාසි කන්න ආස හිතිලා දුව, මේ කාලෙට අන්නාසි අපත්තියි නෙහ් ඉතිං “

කොණ්ඩෙ පිහින ගමන් පවනි මනුෂි ළඟින් ඉඳගත්තා.

“අන්නාසි හරිම උෂ්ණ කෑමක්නෙහ් අක්කි. අන්නාසි වල තියෙනවා බ්‍රෝමෙලේන් ( Bromelain ) කියලා එන්සයිමයක්. අපි මේ බ්‍රෝමෙලේන් ටැබ්ලට්ස් ප්‍රෙග්නන්ට් කාලෙට පාවිච්චි කරන්න දෙන්නෙත් නෑ. මොකද මේ එන්සයිමයට පුළුවන් අපේ ඇඟේ තියෙන ප්‍රෝටීන් බිඳල දාල බ්ලීඩින් ඇතිකරන්න. ඒ කියන්නේ කළලය ගර්භාෂෙන් ගලවලා දාන්න. සරලව කිව්වොත් මිස්කැරේජ් එකක්, ගබ්සාවක් වෙන්න පුළුවන්.

මේ බ්‍රෝමෙලේන් අන්නාසි වල මැද නාරටියෙ ගොඩක් තියෙනවා. අන්නාසි මදෙත් ටිකක් තියෙනවා. අන්නාසි අමු කාලේදිත් සාපේක්ෂව වැඩියෙන් තියෙනවා.. ඔය නිසා තමයි බබෙක් හම්බ වෙන්න ඉන්න කාලෙ අන්නාසි කන්න එපා කියන්නේ. මොකද ගැබ්ගෙලේ අනවශ්‍ය සංකෝචන ඇති කරලා කළලය එළියට ඇදල දාන්න පුලුවන්. මුල් මාස තුන කියන්නෙ ප්‍රෙග්නන්සි පීරියඩ් එකේ ක්‍රිටිකල්ම කාලෙ නිසා අපි කියනවා මුල් මාස තුනේ අන්නාසි කොහොමවත්ම කන්න එපා කියලා. ඒත් කන්නම ඕන නම් , කන්න ගොඩක්ම ඕන නම් හොඳ…..ටම ඉඳුණු අන්නාසි පොඩි කෑල්ලක් මාස තුනෙන් පස්සෙ , මාස 7,8 ක් විතර ගියාම කන්න කියලා අපි උපදෙස් දෙනවා. ඒත් පොඩි කෑල්ලක් , ඒකත් හොඳටම ඉදුණු අන්නාසි වෙන්න ඕන.. ඒත් ඉතිං අපි ඒ වගේ අවදානමක් ගන්න ඕනත් නෑ නේද අක්කි?

ඔයිට අමතරව අන්නාසි හරිම ආම්ලිකයි නෙහ්. ඒ නිසා ගැස්ට්‍රයිටිසුත් වැඩිවෙන්න පුළුවන්. ඕවා මේවා නිසා ඉස්සර කාලේ අය වගේම අපිත් කියනව අන්නාසි කියන්නෙ ප්‍රෙග්නන්ට් කාලෙ මඟාරින්න ඕන පලතුරක් කියලා… “

මාතෘ වාට්ටුවෙම හෙදියක් විදියට වැඩ කරන පවනි කියලා දීපු කරුණු ටික තේරුම් ගත්තම දැන්ම අන්නාසි කන්න ඕන නෑ කියලා මනුෂිට හිතුණා. මේ කාලේ තමන් සතුටින් ඉන්නගමන් දරුපැටියට නීරෝගීව කරදරයක් නැතිව මේ ලෝකෙට අරන් එන්න ඕන නෙහ් කියලා මනුෂිට තේරුම් ගියා..

“අපි පැංචා ඉපදුණාම එහෙනම් අන්නාසි කමු”
මනුෂි පවනිට කිව්වේ කුසෙන් අතක් තියාගන්න ගමන් හිනාවෙවී…..

 
Share on facebook
Facebook
Share on whatsapp
WhatsApp
Share on pinterest
Pinterest

Latest Articles

පොඩිත්තාගෙ මළපහ වලින් ලෙඩ රෝග දැනගනිමු

අලුත උපන් පොඩිත්තාගේ මලපහ ගැන…මව්කුසේ සති 40ක් ඉදලා එලියට එද්දිම පොඩිත්තා තනියම...

Read More

ආයුර්වේදයට අනුව කාන්තාවන්ට දරු ඵල ප්‍රමාද වීම සදහා බලපාන ප්‍රධාන හේතු.

විවාහයෙන් අනතුරුව දරුවෙක් බලාපොරොත්තු වුණත් ඒ සිහිනය ප්‍රමාද වෙනවා නම් බොහෝ අය...

Read More

විශේෂ අවශ්‍යතා සහිත දරුවන් නිවැරදිව හඳුනා ගන්නේ කොහොමද ?

සමාජයේ “දරුවන්” වැදගත් ස්ථානයක් හිමිකර ගන්නා කොටසකි. සෑම දෙමව්පියෙකුම තම දරුවන් සමාජ...

Read More

Related Posts

Intimacy

ආයුර්වේදයට අනුව කාන්තාවන්ට දරු ඵල ප්‍රමාද වීම සදහා බලපාන ප්‍රධාන හේතු.

විවාහයෙන් අනතුරුව දරුවෙක් බලාපොරොත්තු වුණත් ඒ සිහිනය ප්‍රමාද වෙනවා නම් බොහෝ අය විවිධ ප්‍රතිකාර වලට යොමු වෙනවා. ආයුර්වේද ප්‍රතිකාර වලටත් ඒ අතර ඉහළ තැනක් පවතින

Read More »
Pregnancy

ගර්භණී කාලය තුළ කෑමවලින් විතරක් කැල්සියම් ගන්න බැරි ද?

ගැබිණි සමය කියන්නේ හරිම විශේෂිත කාල පරිච්ඡේදයක්. ඒ කාලය පසු කරන ඕනෑම කෙනෙක් තමන්ගේ සෞඛ්‍යය ගැන සැළකිලිමත්. විශේෂයෙන් ම පෝෂණය ගැන. ඒ තමන්ට ත් වඩා

Read More »
Intimacy

දරුවෙක් ගැන සිහින දකින්නට පෙර ඔබ කළ යුතු ම දේවල්

විවාහයෙන් පස්සේ අරමුණු අතරට දරුවෙක් කියන සාධකයත් බොහෝ අයට තිබෙනවා. Unplanned pregnancy එකකට මුහුණ නොදෙන හැම යුවලම වගේ දරු උපතකට යන්නේ සැලසුමක් සහිතව.ඔබ මේ සැලසුම

Read More »