hit counter code

ෆෝලික් නොබී හදිසියේ ගැබ් ගත්තොත් දරුවාගේ ජීවිතේ අනතුරේ ද?

Share on facebook
Facebook
Share on whatsapp
WhatsApp
Share on pinterest
Pinterest

ෆෝලික් අම්ලය කියන්නෙ අපේ ජීවිත කාලය පුරාම අවශ්‍ය වන විටමිනයක්. මෙය විටමින් B සංකීර්ණයේ එක් විටමිනයක්. විටමින් B₉ සහ folacin කියලත් හඳුන්වනවා.

අපි පිටතින් ගන්න ෆෝලික් අම්ලය අපේ ශරීරය විසින් ෆෝලේට් බවට තැන්පත් කරලා පාවිච්චියට ගන්නවා. වතුරේ දියවෙන විටමිනයක්.

ඒ වගේම අමතර පෝෂකයක් ලෙස නිතරම නිර්දේශ කරන ක්ෂුද්‍ර පෝෂකයක්. වතුරෙ දියවෙන නිසා මේ ෆෝලික් අම්ලය වැඩිපුර ගත්තොත් මුත්‍රා සමඟ එය ශරීරයෙන් බැහැර වෙනවා

කොච්චරක් ලබාගන්න ඕනෙද?

දවසට 0.4mg ක් පමණ අපිට අවශ්‍ය වෙනවා. ඒ වුණාට ගර්භණී වෙන්න බලාපොරොත්තු තියාගෙන කාන්තාවන්ට නම් දිනකට 0.4-1.0mg ප්‍රමාණයක් ලබාගන්න කියලා තමයි කියන්නේ.

ගර්භණී වෙන්න බලාපොරොත්තුවෙන් ඉන්න අය ෆෝලික් අම්ලය ගැන සැලකිලිමත් වෙන්න ඕන ඇයි?

කළලය විකසනය වෙන මුල් කාලේදි තමයි දරුවගේ ස්නායු පද්ධතියත් හැදෙන්න පටන් ගන්නේ. ස්නායු පද්ධතියේ විකසනයට ෆෝලික් ඇසිඩ් අත්‍යාවශ්‍යයි. ඒ කියන්නේ මොළයේ සහ සුෂුම්නාවේ ඇතිවෙන්න පුළුවන් විකෘති සහ සංකූලතා ෆෝලික් ඇසිඩ් මගින් වලක්වනවා.

ඊට අමතර ප්‍රතිලාභ ?

අපේ ශරීරයේ රතු රුධිර සෛල නිපදවන්න අවශ්‍යම පෝෂ්‍ය පදාර්ථයක් තමයි ෆෝලික් ඇසිඩ්. මේ ෆෝලික් ඇසිඩ් සිරුරේ හිඟ වුණාම රතු රුධිර සෛල නිපදවීම අඩාළ වෙනවා. ඒ කියන්නේ රක්තහීනතාවය එහෙමනැත්නම් කටවචනෙන් කියනවා වගේ ලේ මදි වෙනවා..

හිසකෙස් වැටීම අඩු කරනවා. ඒ වගේම ඉක්මණින් හිසකෙස් පැසීමත් වළක්වන්න දායක වෙනවා. ඒ වගේම සමෙහි තරුණ පෙනුම රැක දෙනවා

ඉතින් මේ නිසා ප්‍රමාණවත් පරිදි ගන්න එක නිරෝගී දිවියකට අත්‍යවශ්‍යයි.

ඒ වගේම ෆෝලික් ඇසිඩ් මගින් ඔටිසම් තත්ව , රුමෑටික් ආතරයිටිස් සහ දියවැඩියා තත්ව වළක්වන්නෙ කොහොමද කියලා වර්තමානයේ විද්‍යාඥයන් පර්‍යේෂණ පවත්වනවා.

ගන්න පුළුවන් ප්‍රෙග්නන්ට් නම් විතරද ?

ගර්භණී මවුවරුන් සඳහා කොහොමත් ෆෝලික් අම්ලය ඇතුළු විටකින් ප්‍රමාණවත් ලෙස නිර්දේශ කරනවා.. ඊට අමතරව ඕනෑම අයෙක් ගත්තට කමක් නෑ. ගර්භණී වෙන්න කලින් ගන්න කියලා කියන්නේ කළලය කුස ඇතුළේ විකසනය වෙද්දි ශරීරය මෙයින් සංතෘප්ත වෙලා තියෙන එක හොඳ නිසයි.

ෆෝලික් අම්ලය අඩුයි නම්?

අධික මහන්සිය, විඩාව, හිරිවැටීම්, කටේ තුවාල, මාංශපේශි සහ පෙනීමේ දුර්වලතා ඇතුලුව රක්තහීනතාවය ඇතිවෙනවා.

වැඩිපුර ගත්තොත්?

මුත්‍රා සමඟ දියවෙලා යනවා. අමුතුවෙන් ප්‍රශ්නයක් ඇති නොකළත් වැඩිවුණොත්, විටමින් B12 හීනතාවයක් ඇතිවෙන්න පුළුවන්. මේ B12 විටමිනය, ෆෝලික් අම්ලයේ නියමිත ක්‍රියාකාරිත්වයට අත්‍යවශ්‍ය වෙනවා..

මේ නිසා නියමිත මාත්‍රාවට අනුව ගන්න එක වඩා හොඳයි. ඒ වගේම උදේ කාලයේදි විටමින් ගන්න එක වඩාත් සුදුසුයි.

සමබර ආහාර වේලක ෆෝලික් අම්ලය කියන්නෙ අනිවාර්‍යයෙන්ම අඩංගු පෝෂක සංඝටකයක්. ඉතිං නිසි වෛද්‍ය හෝ පෝෂණවේදි උපදෙස් ඇතිව නිසිපරිදි ලබාගැනීම නීරෝගි දිවියක් සඳහා ඔබට අත්වැලක් වේවි….

Share on facebook
Facebook
Share on whatsapp
WhatsApp
Share on pinterest
Pinterest

Latest Articles

සෙම තියෙන දරුවො නාවන්න හොඳ නැද්ද ?

සෙම් රෝග, හෙම්බිරිස්සාව, කැස්ස මේ දවස්වල හැමතැනම. ඔබේ දරුවා පෙර පාසල්/පාසල් යන...

Read More

බබාගෙ බර වැඩිකරන්න ලංකාවේ රසට – බිස්කට් වෙනුවට පෝෂ්‍යදායී සීරියල් බාර්

මේ වන විට දියවැඩියාව වැනි බෝ නොවෙන රෝග දරුවන් අතරත් ව්‍යාප්ත වෙමින්...

Read More

දරුවා නාසයේ යමක් සිරකරගෙන නම් කළයුතු දේ ගැන ඔබ දැනුවත්ද ?

බබාලා හැමදේම ගැන කුතුහලයෙන් නෙ ඉන්නෙ. ඒ නිසා තමයි එයාල හැම වෙලේම...

Read More

Related Posts

Pregnancy

මාස තුන සපිරුණු ගර්භණී ඔබ මේ විටමින් වර්ග ගන්නවද ?

ගර්භණී කාලයේ මවකට ලැබෙන පෝෂණය අනුව තමයි දරුවාගේ වර්ධනය තීරණය වෙන්නෙ. නීරෝගී දරුවෙක් පතන ඔබ අනිවාර්යයෙන්ම ඔබේ පෝෂණය ගැන සැලකිලිමත් වෙන්නම ඕනෙ. ගර්භණී සමයේ එක

Read More »
Intimacy

ඔසප් අක්‍රමවත් වීමට හේතු

සාමාන්‍ය ඔසප් චක්‍රයක් කියන්නෙ දින 28 ක්. සමහර වෙලාවට මේ දින ගණන අඩු වැඩි වෙන්න පුලුවන්. අක්‍රමවත් ඔසප් චක්‍රයක් කියන්නෙ මේ දින ගණන දින 21ට

Read More »
Post-pregnancy

දරුවා ලැබුණට පසු කිවිසීමෙදි මුත්‍රා යනවද?

දරුවා ලැබුණට පසු කිවිසීමෙදි මුත්‍රා යන එක සාමාන්‍යද? මේ ප්‍රශ්නෙට සරලවම දෙන්න පුලුවන් උත්තරය තමයි ඔව් කියන එක. සාමාන්‍ය දරු ප්‍රසූතියකින් පස්සෙ මේ තත්වය අතිශය

Read More »
Pregnancy

ගර්භනී අම්මා කෙනෙක්ට ආහාර වේලක් දෙනවිට සැලකිලිමත් විය යුතු ම දේවල්

අපේ ලාංකික සංස්කෘතිය ඇතුළේ ගර්භනී මවකට හිමිවන්නේ සුවිශේෂී තැනක්. යාලුවෙක් හරි නෑදෑයෙක් හරි සමහර වෙලාවට වැඩිය නොදන්න කෙනෙක් වුණත් ගර්භනී වුණාම අපි කෑම එකක් හදලා

Read More »